lunes, 28 de julio de 2008

Un pequeno comentario


Ola, quixera facer un pequeno comentario sobre as miñas vacacions.
O meu home e mais eu pasamos uns días en Barcelona, e fixeime na gastronomía Catalana. Trouxen algunhas receitas de esa terra tan fermosa, que pouco a pouco irei subindo con moito mimo, e pasándoas para todos os seguidores do noso humilde e sinxelo blog. Todas son moi sinxelas e están ao alcance de calquera. Tamen espero ter algun comentario sobre elas, sexa bo ou sexa malo, agradeceriao moito. Aproveito para enviarmos moitos saúdos, de quen facemos esta bitácora.

viernes, 18 de julio de 2008

Coello de monte asado

A carne de coello é un manxar porque é carne branca, moi alta en proteinas e moi baixiña en graxa.

Ingredientes:
Un coello 1.000-1.200 grs, unha cebola de tamaño mormal, 8 ceboliñas pequenas, 300 grs. de chícharos, loureiro, pirixel, 4 dentes de allo, aurego en rama, viño branco, especias de carne surtidas, canela molida, aceite de oliva e sal.
Elaboración:
Lávase o coello deixando a escorrer e mentras faise o adobo. Nun recipiente bótase un vaso de aceite de oliva, engadindo un chorriño de viño do país, 4 follas de loureiro cortadas en cachos, 4 dentes de allo moi picadiño, pirixel tamen moi picadiño, aurego o máis esfrancullado posible, e sal, remexendo todo no recipiente. Córtase o coello en cachos e pásase un por un deixándoos ben enchoupadiños no adobo no mesmo recipiente durante 10 ou 12 horas.
Pasado ese tempo ponse unha tixola ao lume con bastante aceite e engádase a cebola grande partida en catro cachos, engadindo o coello e deixándoo ata que se doure por todo. A medida que se vai dourando sácase para un recipiente, engadindo tamén o aceite que queda na tixola ben coado,deixando que ferva e cando esté a medio facer tamen se lle engade as ceboliñas pequenas que xa estarán pranadas botándolle tamen as especias, a canela e mirase do sal. Deixase a lume lento ata que se vexa que esta a punto, próbase si esta asado e ten bo padal. Bótase nunha fonte e engádense os chícharos, que estarán cocidos en auga e sal, por riba do coello quedando listo para servir.Sabera como pa chuparse os dedos. Bo proveito.

martes, 8 de julio de 2008

Filloas

Teñen moito en común
as filloas e o entroido
o entroido e moi alegre
e as filloas saben moito.


Ingredientes:
10 litros de auga fría, 6 ovos, 1 kilo de fariña, sal, touciño e graxa.
Elaboración:
Nun recipiente escáchanse 6 ovos batendo ata que quede todo ben desfeito. Engádese a auga e o sal remexendo ata que quede todo mesturado. Engádese tamen a fariña pouco a pouco para que non se embole, quedando un líquido fino. Ponse o filloeiro en marcha e nunha cunca bótase a graxa de porco sen sal. Córtase un cacho de touciño tamen de porco, espétase nun tenedor, úntase na graxa e pásase polo filloeiro antes de botar o amoado. Unha vez feito iso bótase o amoado deixando estar o tempo que lle faga falta. Cando a filloa empece a desprenderse vírase deixándoa quedar moi pouquiño tempo e quítase para un prato, volvendo a untar con graxa e touciño o filloeiro antes de botar o amoado e así sucesivamente.
Bo proveito, e se queredes máis información sobre as filloas podedes ir a este enlace http://gl.wikipedia.org/wiki/Filloa na wikipedia galega.

miércoles, 2 de julio de 2008

Flan de queso manchego


Ingredientes para 8 personas:

150 gramos de queso manchego curado, 4 cucharadas de azúcar, 4 huevos, 1/2 litro de nata líqueda, 6 cucharadas de azúcar para hacer caramelo. Frambuesas y menta para acompañar.

Poner al azúcar de hacer caramelo en un cazo y acercarlo al fuego. Cuando empiece a tomar color, moverlo para que se caramelice por igual. Bañar el fondo y paredes de un molde de 22 cm de diámetro no desmontable.

Batir los huevos con el azúcar,añadir el queso rallado muy fino, mezclarlo bien y, por último incorporar la nata líquida. Unir bien hasta obtener una crema homogénea y verter en el molde caramelizado. Calentar el horno a temperatura media (unos l8ºC) y colocar el flan en una bandeja con agua hirviendo para cocerlo al baño María unoa 20 minutos hasta que pinchando en el centro salga la aguja limpia.

Dejarlo enfriar y desmoldarlo en la fuente de servir.

Adornar con franbuezas y menta. El queso que no esté rancio. ¡MUY BUENO!

Callos á galega

Esta receita dedicámoslla a Raquel

Das pezuñas e do bucho
fanse os calliños galegos
mesturados con chourizos e garabanzos
están que se lles chupan os dedos.

Igredientes:
Medio ventre de pucha galega, 1 kilo de garabanzos, 2 chourizos, 1 cebola, 1 cabeza de allos, aceite de oliva, un cacho de touciño, sal, pimento dulce, e especias de callos.

Elaboración:
Ter un recipiente con auga fría e botar os garabanzos a remollo durante 10 horas con auga sobrante para que non queden secos en canto inchen. Pasado ese tempo ponse un recipiente con auga ao lume e bótanse os garabanzos engadindo o touciño e sal e que fervan ata que se cozan. Unha vez cocidos sácanse do lume deixándoos ao calor e quítaselle o touciño para un prato. Ó mesmo tempo, noutro recipiente tense auga moi quente e alí engádese o bucho e as pezuñas para escaldalas durante 5 minutos. Despois sácanse para unha fonte a enfriar, córtase o bucho en cachiños, e lávase en 2 ou 3 augas mornas. Mentras, ponse ao lume un recipiente con auga engadindo o bucho, as pezuñas e o sal engadindo tamén a cebola planada sen partila e a cabeza de allos limpa engádese enteira sen espelicar quedando todo a ferver. A auga chégalle con que cubra a carne remexendo de cando en vez sen que ferban forte ata que se cozan, unha vez cocidos sácase a cebola e máis a cabeza de allos e bótanselle os chourizos cortados en rodaxas e mais as especias de callos. Aos garabanzos escórreselle a auga, e bótanse tamén no recipiente da carne como os chourizos. Ponse unha tixola o lume con moito aceite engadindo 3 dentes de allo coa pel e cando o aceite estea quente sácase do lume e déixase enfriar un pouco sacando os allos. Cando o aceite estea morniño engádaselle bastante pimento dulce e bótase no recipiente. Reméxese coa espumadeira ata que quede todo moi uniformado mirando das especias e de sal ata deixalo ao gusto de cada. TRUCO: si a salsa está demasiado líquida podese botar nunha cunca unha pouquiña auga con fariña ou maizena ben remexida e bótase no recipiente dos callos remexendo ata que a salsa quede mais espesa. Déixanse en repouso de 10 a 20 minutos quedando xa listos para sevir. Son dun padal exquisito. Que lles faga bo proveito.