Año estufado con patacas e chícharos

Ai que carne de cordeiro
tan saborosa e xugosiña
iso foi porque paceron
na nosa terra meiguiña

Ingredientes:
3 Kilos de año, 2 Kilos de patacas, 300 grs. de chícharos, 1/2 l de
aceite de oliva, unha cebola, especias de carne surtidas, canela molida, azafrán, viño branco, 6 dentes de allo, pirixel, un pemento vermello, ourego, e sal.

Elaboracion:
Para o adobo ponse nun recipiente aproximadamente un vaso de aceite de oliva, sal, 6 dentes de allo picados, un sobre de azafrán, pirixel picado, un pouquiño de aurego ben espallado, e un chorriño de viño branco. Córtase a carne en cachos de 200 grs. aproximadamente, e cacho a cacho vaise remexendo no adobo ata que quede ben enchoupado deixándoos despois no mesmo recipiente de xeito ben colocados. Tápase o recipiente quedando en adobo durante 12 ou 15 horas.
Pasado ese tempo, ponse unha tixola ao lume con 1/2 litro de aceite de oliva, engadindo a cebola partida en catro cachos, e engádese tamén a carne, deixándoa dourar por todo. Según se vai dourando vaise botando noutro recipiente (e tamén se engade o aceite sobrante encima da carne ven coado), poñendo ao lume durante 2 horas, dependendo da calidade de carne, sen moito lume pero fervendo seguido. O aceite debe cubrir casi a carne. Se non chegara a cubrila ponse unha tixola ao lume con aceite de oliva engadíndolle un dente de allo coa pel, e cando estea quente engádese por riba da carne. TRUCO: nunca botar o aceite frío!.
Remexer a carne a cada paso e cando empece a mermar engadirlle as especias e canela en moi pouquiña cantidade. Mírase de sal e vaise probando ata que quede de bo padal. Unha vez xa feita sácase do lume deixándoa no mesmo recipiente. Sácaselle algunha salsa deixándolle só unha pouquiña. A que quitamos bótase nun recipiente a ferver coas patacas e engadindo o azafrán e míranse de sal. Mentras, noutro recipiente bótase unha pouca de auga e sal para cocer os chícharos. Unha vez todo xa feito sácase para nunha fonte, e listo para servir.
A carne vaise poñendo todo arrededor da fonte e no medio as patacas, e os chícharos por riba, un pemento vermello cortado en cachos largos poñendo un cacho encima de cada cacho de carne que o fara moi decorativo. Esperando que lles guste. Bo proveito.